🏛️ „ჯიჯი" (GG) დაფუძნდა 2011 წლის 20 სექტემბერს.

სასწავლებელი შეიქმნა გაუქმებული, ყოფილი მე-7 საშუალო სკოლის ტიპური შენობის ბაზაზე. რეკონსტრუქციისა და მიშენების შედეგად, შენობის საერთო ფართი გასამმაგდა და დღეს 3 416,58 კვ.მ-ს შეადგენს.
„ჯიჯი" არის უცხოეთში, საგანმანათლებლო დარგში მოღვაწე ქართველის, ბატონი ჯიმშერ ღურწკაიას საინვესტიციო პროექტი, რომლის ფარგლებშიც საქართველოს მთავრობასთან დადებული ხელშეკრულებით ნაკისრი ყველა ვალდებულება სრულად შესრულებულია.

ჯიჯიმ საგანმანათლებლო ფუნქციონირება 2013-2014 სასწავლო წლიდან დაიწყო, რასაც წინ უძღოდა:

• ✅ შესაბამისი სამშენებლო-სარეაბილიტაციო სამუშაოები
• ✅ ობიექტის ექსპლუატაციაში ჩაბარება
• ✅ აკრედიტაციის მიღება

✨ სახელწოდების ისტორია
ჩვენი სახელწოდების უკან დგას პატივისცემა და ოჯახური ღირებულებები. დამფუძნებლისთვის პრინციპული იყო, რომ სკოლას ეტარებინა მამამისის, საქართველოს დამსახურებული პედაგოგის, ბატონი ალექსანდრე ღურწკაიას სახელი.
სახელწოდების შერჩევისას განიხილებოდა სხვადასხვა ვარიანტი: „წიგნიერი", „პირველი", „გელათი", „ღურწკაიას გიმნაზია" და სხვა...
პრიორიტეტული ვარიანტი იყო „ღურწკაიას გიმნაზია" (ინგლისურად: Gurtskaya Gymnasium). სწორედ ამ სახელწოდებიდან აღებული პირველი ასოების (GG) ქართულმა ჟღერადობამ ჩამოყალიბა „ჯიჯი".
ეს მოკლე, ორთანხმოვანი სიტყვა, თავდაპირველად მშენებლებმა, შემდეგ კი ბავშვებმა სწრაფად აიტაცეს და მოფანტეს ჩვენს პატარა ქალაქში, რის შემდეგ სახელწოდების გადარქმევას აზრი დაეკარგა — და დღესაც არა აქვს აზრი სახელწოდების შეცვლას, რადგან „ჯიჯი" უკვე სკოლის განუყოფელი ბრენდი გახდა. ბავშვები სიამოვნებით და სითბოთი წარმოთქვამენ „ჯიჯიში მინდა"-ს, და ეს სწორედ ის ემოციაა, რასაც ჯიჯი ქმნის. 💙

💭 საინტერესო ვარაუდები სახელის ირგვლივ
სახელწოდება „ჯიჯი" დღეისთვის უკვე ბრენდადაა ქცეული, თუმცა მის ირგვლივ ხშირად ისმის საინტერესო ვარაუდებიც. სხვათა შორის, ფართოდ არის გავრცელებული ხმა, რომ „ჯიჯი" დაერქვა მეგრული სიტყვიდან - "ჯიჯი"-დან, რომელიც „დიდ ბიძას", ანუ ბაბუის ძმას ნიშნავს.
მიუხედავად იმისა, რომ ეს ვერსია ლინგვისტურად არ შეესაბამება სიმართლეს, ჩვენ სიამოვნებით ვუშვებთ ასეთ ასოციაციასაც: 🤍 ბოლოს და ბოლოს, სკოლა ხომ მეორე ოჯახია, ხოლო მასწავლებლები და დამფუძნებელი — მოზარდთა მზრუნველი წინამძღოლნი., და თუ ვინმესთვის „ჯიჯი" სითბოს, მზრუნველობასა და „დიდი ბიძის" სანდოობასთან უასოცირდება - ეს მხოლოდ მისასალმებელი. იყოს! 😊

🎯 ჯიჯის ფილოსოფია, მისია და ხედვა
მიუხედავად სახელწოდების წარმოშობის სხვადასხვა ინტერპრეტაციისა, ჩვენი მიზანი უცვლელია:

ჯიჯი პატივს მიაგებს და ინარჩუნებს კოლხურ საუკეთესო ტრადიციებს. ამასთანავე, ჩვენი მიზანია შევქმნათ პრინციპულად ახალი, 21-ე საუკუნის შესაბამისი სკოლა.
„ჯიჯი" ყოველნაირ შესაძლებლობას აძლევს მასწავლებელთა და მოსწავლეთა ახალ თაობას:

• 🎓 ღირსეულად ჩაეწერონ სასწავლებლის ახალ მატიანეში;
• 🚀 ჩაერთონ თანამედროვე საგანმანათლებლო პროცესების შექმნა-ფუნქციონირებაში;
• 🌱 განვითარდნენ უსაფრთხო, შთამაგონებელ გარემოში.

🎓✨ „ჯიჯი" — სადაც ტრადიცია ხვდება ინოვაციას.